𝗤𝗖𝗝-𝗠𝗗 𝗡𝗔𝗚𝗣𝗔𝗔𝗕𝗢𝗧 𝗡𝗚 𝗠𝗔𝗡𝗣𝗢𝗪𝗘𝗥 𝗔𝗦𝗦𝗜𝗦𝗧𝗔𝗡𝗖𝗘 𝗦𝗔 𝗦𝗖𝗛𝗢𝗟𝗔𝗥𝗦 𝗢𝗙 𝗦𝗨𝗦𝗧𝗘𝗡𝗔𝗡𝗖𝗘 (𝗦𝗢𝗦) 🤝

"Kaagapay sa Serbisyo: Bayanihan ng QCJMD at SOS para sa mas masaganang komunidad."

BLOG POSTEVENTS

8/21/20261 min read

Ika-20 ng Agosto, 2026 - Ang mga kawani ng Quezon City Jail – Male Dormitory, sa ilalim ng dinamikong pamumuno ng Punong Tagapamahala ng pasilidad na si JSUPT MARIA LOURDES P PACION, ay nagpaabot ng karagdagang manpower assistance sa warehouse ng Scholars of Sustenance (SOS) sa Caloocan City.

Aktibong nakiisa ang mga kawani sa mga pagsisikap para sa quality control sa pamamagitan ng pagsusuri at pag-iimpake ng mga de lata. Bukod dito, nagtulong-tulong ang mga kawani ng QCJMD sa paglilipat at pagbubuhat ng mga kahon ng mga de lata mula sa sasakyan tungo sa mga paleta ng pasilidad upang maprotektahan ang suplay sa banta ng pag-ulan at matiyak ang ligtas na pamamahagi nito sa mga benepisyaryo.

Lubos na sinusuportahan ng QCJ-MD ang magkatuwang na adbokasiya ng SOS na magkaloob ng mahalagang tulong sa komunidad sa pamamagitan ng pamamahagi ng mga likas at organikong produkto sa lahat ng benepisyaryo sa buong bansa.

"Kaagapay sa Serbisyo: Bayanihan ng QCJMD at SOS para sa mas masaganang komunidad."