Bilang bahagi ng pangmatagalang pangangalaga sa kalikasan, muling nagsagawa ng tree nurturing activity ang QCJMD PERSONNEL sa Kalayaan C at D, Batasan Hills, Quezon City. Tinutukan ng mga kawani ang pag-aalaga at pagmo-monitor sa mga punlang itinanim noong nakaraang taon upang matiyak ang patuloy na paglago at kalusugan ng mga ito.

Ipinapakita ng gawaing ito na ang adbokasiya sa kalikasan ay hindi natatapos sa pagtatanim, kundi nagpapatuloy sa responsableng pag-aalaga at pagbabantay sa bawat punlang itinanim para sa kinabukasan ng komunidad.