Sa ilalim ng No Juan Left Behind, mabibigyan ng pagkakataon ang mga indibidwal na nakapiit sa QC Male Dorm na magbago, at magkaroon ng kabuhayan para sa pamilya.

Mabibigyan din sila ng oportunidad na maipagpatuloy ang kanilang pag-aaral at makapagtapos ng kolehiyo.

Libre ang check-up at medical para sa mga PDL, gayundin ang livelihood skills at training hatid ng Radisson Hotel.

Pinangunahan ni Mayor Joy Belmonte ang ceremonial memorandum of agreement signing, kasama sina BJMP-NCR Regional Director JCSupt Baby Noel Montalvo, Quezon City Jail Male Dormitory Warden JSupt. Maria Lourdes Pacion, mga kinatawan ng Radisson Hotel, at iba pang opisyal ng BJMP at lokal na pamahalaan.

Para matiyak ang patuloy nilang pag-unlad at pag-angat, kaagapay nila ang iba-ibang opisina ng QC Government, kabilang ang City Health Department, Persons with Disability Affairs Office, Office of the City Administrator, at Public Employment Services Office.

Naroon din ang City Veterinary Department, Gender and Development Office, City Planning and Development Department, QCADAAC, at QC Youth Development Office.